Ostergruss to'n Tohören

 

De Lüüd vun de Neederdütsche Bühne Niemünster hebbt sick överleggt, dat se för dat Publikum een Ostergruß trechmaaken wüllt. „Wenn all de Frünn vun de plattdütsche Spraak uns nich op de Bühne sehen künnt, schüllt se tomindst wat to'n Tohören hebben“ is de Idee. Also heff ick mol gau in de Schuvlad mit de Ostergeschichten langt un 6 Vertellen utsöcht un vörlest. Dennis Willert hett de Opnahmetechnik in de Hänn un Michael Ermel stüert de Biller dorto. Vun Gröndunnersdag bit Ostermaandag gifft dat nu jümmer een anner Geschicht to'n Tohören un wokeen all Vertellen op een CD hebben mag, de kann sick de bestellen.

So wüllt wi dorför sorgen, dat wi all dat Smustern un Höögen nich vergeet bit wi wedder richtig Theater speelen künnt.    

Veel Spaß wünscht  Birgitt Jürs